翻查紀錄, 原來早在2006年我已經提起過腳痛. 當時有網友提醒我可能係足底筋膜炎, 不過我覺得問題唔嚴重, 而且又唔係成日痛, 所以一直都無去睇醫生.....

兩個月前突然一日發現腳底行路時痛, 朋友話我著converse平底鞋行得多就會腳痛, 加鞋墊就自然會無事. 不過加左之後仲係痛, 之後更發展到企得耐都痛, 尤其是朝早上起身第一腳踩落地時特別痛, 要行返鬆對腳先好d....

終於要去睇醫生, 原來真係足底筋膜炎. 好彩唔係好嚴重, 近排都情況都好返d. 不過將來仲有漫漫長路要行, 以後一定要好好保護對腳. 我真係唔想老左每行一步都痛.......諗起都得人驚.....